Саклык битлеген ничек чистартырга һәм кабат кулланырга?
Россиядә коронавирус тарала башлаганнан бирле, медицина битлекләре халык арасында иң күп сорала торган товарга әйләнде. Аларны инде даруханәләрдә дә тапмассың.
Медицина битлекләренә алмашка күпләр күп тапкыр кулланып була торган битлекләр тегәргә кереште. Әмма әлеге битлекләрне дә 3 сәгатьтән артык кияргә ярамый, диләр Кулланучылар хокукларын яклау һәм кеше иминлеге өлкәсендә күзәтчелек федераль хезмәтендә.
Саклык битлеген сабын белән яхшылап юарга, аннан үтүкләргә яки парогенератор ярдәмендә эшкәртергә кирәк.
Әгәр битлек бер тапкыр кулланылыр өчен генә ясалса, кигәннән соң аны шунда ук ташларга киңәш ителә. Мондый медицина битлеген 3 сәгатьтән артык киеп йөрергә кушмыйлар. Шулай ук ведомствода билгеләп үткәнчә, йогышлы авыру белән чирләүчеләргә битлек киеп йөрергә кирәк, ул авыруны таратудан саклый.
Сәламәт кешеләргә битлекне җәмәгать урыннарында гына кияргә киңәш итәләр.