«Сак бул, балам» — Айдар Галимов һәм «Караш» төркеменнән яңа җыр
Җыр барлык ата-аналар һәм балаларга багышлап яздырылган.
Айдар Галимов «Караш» төркеме белән берлектә «Сак бул, балам» дигән яңа җыр иҗат иткән.
«Ике төрле буын — бер җыр…һәм мәңге актуаль тема», — дип яза ул.
«Айдар, бик матур җыр. Тагын озак еллар җырлагыз әле. Минем сезнең бер генә концертыгызны да калдырганым юк. Балаларыма хәзер 38 һәм 37 яшь. Алар кечкенә чакта бергәләп сезне тыңлый идек. Сез — сәхнә күрке», «Җырларыгыз матур, ә үзегез яхшы кеше сез. Рәхмәт сезгә», — дип комментарийлар калдыра җырчының фанатлары.
Яңа җырны барлык музыкаль платформаларда тыңларга була.
