Тимергали хәзрәт Юлдашев телеграм-каналында шайтанның өч төене турында аңлатты.
«Пәйгамбәребез салләллаһу галәйһи вә сәлләм болай дип әйткән: «Сездән берәрегез йокыга талгач, шайтан аның баш артына 3 төен бәйли һәм һәр төенгә сугып алып: «Синең төнең озын. Йокла!» – дип әйтә.
Әгәр бу кеше төнлә уянып Аллаһны искә алса, төеннең берсе чишелә.
Әгәр ул тәһарәт алса – икенчесе.
Ә инде намаз укыса, барлык төеннәр дә чишелеп бетә, һәм кеше йокысыннан көр халәттә, күтәренке рухта уяна.
Әгәр ул боларның берсен дә эшләмәсә, йокысыннан кәефсез халәттә тора һәм аны ялкаулык баса», – ди хәзрәт.
