Татарстанның атказанган артисты, җырчы Сәидә Мөхәммәтҗанова социаль челтәрләрдәге сәхифәсендә диплом алуы турында хәбәр итә.
«Кемдер ипотека/кредит әҗәтләре белән интегә. Ә мин бүген бурычымны яптым», – дип яза ул видео янына.
Кадрлардан аңлашылганча, Сәидә Казан федераль университетының Халыкара мөнәсәбәтләр, тарих һәм Көнчыгышны өйрәнү институтын тәмамлаган.
Сәидәгә алга таба да уңышлар телибез!
