Сахалинда Яңа ел чыршысы янган, халык бәйрәм итә: "Зыяны юк, Яңа елны каршыладык инде!"
Янгын пиротехника белән сак эш итмәү аркасында килеп чыккан дип фаразлана.
Яңа ел төнендә, төнге сәгать икедә Сахалин өлкәсенең Яңа елның төп чыршысы янган.
Чыршы Көньяк Сахалинда Ленин мәйданында урнаштырылган була, дип хәбәр итә "Интерфакс". Ясалма чыршының биеклеге 25 м була.
Чыршыга ут кабуга карамастан, халык бәйрәм итүдән туктамый. Алып баручылар да, "Яңа елны каршыладык!" дип халыкның кәефен күтәрә.
