Шагыйрә Серафима Сафина вафат булган. Кайгылы хәбәрне журналист Илфат Фәйзрахманов социаль челтәрләрдә хәбәр итә.
«Күңелсез яңалык килеп иреште. Шагыйрә Сафина Серафима дөнья куйды. «Безнең гәҗит» белән бик дус иде. Ураза аенда, җомга көнне китеп барды», – дигән ул.
Илфат Фәйзрахманов Серафиманың үзенә бик якын булганлыгын, аны күптәннән белүе турында да әйткән.
- Серафима Кәниф кызы Сафина 1960 елның 20 маенда Башкортостан Республикасының Калтасы районы Күгәрчен авылында туган. Тормыш юлын КАМАЗда кранчы булып эшләүдән башлый. 1992 елда Башкорт дәүләт университетын тәмамлый, укытучы булып эшли, дип яза «Әдипләр.Белем» сайты.