Украинадагы махсус операциядә Башкортстанның халык шагыйре Әнгам Атнабаевның якын туганы Зөфәр Атнабаев һәлак булган. Танылган галим, инженер Зөфәр Атнабаев белән хушлашу мәрасиме кичә Уфада узган. Бу хакта «Комсомольская правда» яза.
62 яшьлек Зөфәр Атнабаев – шагыйрьнең бертуган энесе Мәгъдән Атнабаевның улы. 1961 елда Тәтешле районы Иске Күрдем авылында дөньяга килә.
1983 елда мәктәптә физика укытучысы булып эшли башлый. 2 айдан Совет Армиясе сафларына алына. Әфган сугышында катнашып, үзенең хәрби бурычын үти.
Зөфәр Атнабаев үзенең 35 ел гомерен нефть өлкәсен үстерү һәм камилләштерү эшенә багышлый. Мәскәү, Санкт-Петербург, Себер фәнни институтларында инновацион проектлар эшләү белән җитәкчелек итә. 2007 елда кандидатлык диссертациясе яклый.
Талантлы галим һәрвакыт үз иленең патриоты булган. Яшьләрне тәрбияләүгә зур игътибар биреп, Башкортстан Республикасы «Патриот» паркында хәрби эш һәм тактик әзерлек буенча инструктор булып эшләгән, – диелә хәбәрдә.
Фото: © https://vk.com/kiradm2017
Фото: © https://vk.com/kiradm2017
Фото: © https://vk.com/kiradm2017