Мәскәүдәге бер фатирда 2 көн элек ут капкан хатын-кыз 10 гыйнварда кич белән вафат булган. Бу турыда РЕН ТВ хәбәр итте.
61 яшьлек хатынны ире коткарырга маташа, тик булдыра алмый.
«60 яшьлек ир-ат 8 гыйнварда кычкырган тавышка уяна. Бүлмәгә хатыны килеп керә – аны тулысынча ут чолгап алган була. Аннары хатын егыла. Ир җәймә тартып ала һәм утны сүндерергә маташа», – дигән РЕН ТВ чыганагы.
Аннары ир-ат ашыгыч ярдәм чакыра. Бу вакытта хатын аңында булмый.
Хәзерге вакытта әлеге фаҗига сәбәпләре билгеле түгел. Фатирда ике пластик шешә табыла, аларда билгесез матдә була. Ир дә фаҗига сәбәпләрен аңлата алмый, диелә хәбәрдә.
