«Хозур дин турында» телеграм-каналында сәдака бирү турында аңлаталар.
Сәдака бирергә мөмкинлек булмаса, нишләргә?
Әгәр кешенең сәдака бирергә мөмкинлеге булмаса, ул аны малдан тыш булган башка әйберләр белән алыштыра ала. Мәсәлән:
- зикерләр әйтү:
- тәсбих (Сүбехәналлаһ)
- тәхмид (Әлхәмдүлилләһ)
- тәкбир (Аллаһү әкбәр)
- тәхлил (Ләә иләәһә илләллааһ)
Бетми торган (тәсбих, мактау, тәүхид һәм тәкбир зикерләре, биш вакыт намаз, ураза, хаҗ һәм зәкят кебек) игелекле гамәлләр исә Раббыңның хозурында савап ягыннан да яхшырак, өмет баглау ягыннан да лаеклырак (Кәхф сүрәсе, 46нчы аять).