Сабантуйда төшерелгән иң кызыклы 20 видео
«Интертат» милли бәйрәмдә төрле елларда төшерелгән иң кызыклы видеоларны туплады.
1. «Галя түти катыктан акча эзли». Катыктан акча эзләгән апа, булдыра алмаса да, бирешергә теләми, үҗәтләнеп эзли. Алып баручының комментарийлары да бик кызыклы. Бу видеоны хатын-кызларын кимсетү дип кабул итүчеләр дә булды, әмма Галя түти үзе алай уйламый бугай.
2. «Әбиләр Сабантуйга җыена». Чын күңелдән бәйрәм итеп Сабантуйга барган апалар ихласлыклары белән халык күңелен җәлеп итә.
3. «Килеп җиттем дигәндә генә...» Чиләк белән су ташу олы яшьтәгеләр өчен генә түгел, яшьләр өчен дә авыр. Килеп җиттем дигәндә генә егылган әби көлкеле дә, кызганыч та.
4. «Килеп җиттем дигәндә генә – 2», яки ирләр версиясе. Югарыда әйтелгәннәрнең дөреслеген ирләр раслый – килеп җиттем дигәндә генә берсе егыла!
5. Хатын-кызлар көрәше. Хатын-кызлар көрәше һәрвакыт кискен тәнкыйтькә дучар булса да, популяр булып кала бирә.
6. Авыш колгага менүче кыз. Йөзләгән күз карап торганда, матур күлмәк кигән кыз авыш колгага менә. Менеп җиттем дигәндә генә…
7. Әтисенә булышучы малай. Аркан тартышкан әтисенә улы ярдәмгә ашыга. Күмәклектә көч!
8. Апалар капчык сугышмакчы… Әмма болар капчык белән сукканчы ук егылып төшәргә торалар. Әле ярый ярдәм итәрлек егетләр бар.
9. Майнкрафтта Сабантуй. Дөньякүләм билгеле уенда уйнаучылар компьютер дөньясында да Сабан туе оештырган иде.
10.«Тямай нишли ул?» Сабантуйда кызып киткән Тямаев түбәгә менә.
11. Суга сикергән Тямаев. Фирдүс Тямаев монысында инде суга сикерә.
12. Шәрәпҗан чаңгы киеп чаба. Рамил Шәрапов алып барган Сабан туе – шулай ук күпсанлы лайк һәм комментарийлар җыйган роликларның берсе.
- Ләгәнле апалар. Гадәти Сабан туе уены түгел, әмма үзенчәлекле булуы белән кызыклы.
14. Әтәч куып йөрүче малайлар
15. Йомырка кабып йөгерү
16. Малай «Тямайча» бии. Данир Сабиров һәм Фирдүс Тямаев алып барган Сабантуй
17. «Нелегальный сабантуй». Татар теленә һөҗүм барган вакытларда туган ролик: имеш, Сабантуй да тыелган, дигән ирония.
18. Сабантуй мизгелләре: Рифат Зарипов, Мирхәт Гайсин
19. Сабантуйда биюче малай
20. Ләйсән Гыймаева, Булат Бәйрәмов
Гомумән, Сабан туе – иң кызык бәйрәм. Анда хәтта атлар да биеп тора!