Сабан туе аланында берьюлы берничә машина яна язган
Коткаручылар фаҗига булдырмый калган.
Башкортстанда Сабан туе вакытында берьюлы берничә машина яна язган. Бу турыда "Башинформ" хәбәр итте.
Сабан туе аланында бик күп машиналар тукталышка җыелган. Шулар арасындагы "Дэу Нексия" машинасына мизгел эчендә ут капкан һәм ул яна башлаган. Ут башка машиналарга да күчү куркынычы туган. Машина йөртүчеләр урыннан тиз генә китә тырышкан.
Коткаручылар тиз арада килеп җитеп, берничә минутта яна торган машинаны сүндергән. Янгында башка машиналар зыян күрмәгән.
Башлангыч мәгълүмат буенча, машинада кыска ялганыш килеп чыгып, ут капкан булуы ихтимал.