Сәйдә Мөхәммәтҗанова «Сине сагынып» җырының премьерасын тәкъдим итте
Җырны барлык музыкаль мәйданчыкларда тыңларга була.
Сәйдә Мөхәммәтҗанова «Сине сагынып» җырын яздырган.
«Көтеп алган премьера. Барлык музыкаль мәйданчыкларда тыңлый аласыз. Авторларга зур рәхмәтемне белдерәм», — дип язган яшь җырчы.
Яңа җырның сүзләрен шагыйрә Эльмира Җәлилова, ә көен композитор Эльмир Низамов язган.
«Сәйдә, һәрбер җырың йөрәккә үтеп керә. Тавышың искиткеч, үзең чын татар кызы! Күзләр генә тимәсен сиңа!», «Туп-туры йөрәккә бу җыр… Искиткеч!», «Сихри моң», «Күңелгә үтеп керде дә шунда калды», — дип комментарий калдырган яңа җырны тыңлаучылар.