Сөт ташый торган машина астында калган «Лада»да дүрт кеше үлгән
24 яшьлек егет идарә итә торган җиңел машина каршы як полосага килеп чыккан.
4 гыйнварда иртә белән Ростов өлкәсенең Миллер районындагы Мальчевская станицасы янында сөт ташый торган машина белән җиңел автомобиль бәрелешә. Авариядә дүрт кеше һәлак була. Бу турыда «Вести» каналы хәбәр итте.
Төбәк буенча ЮХИДИ хәбәр иткәнчә, М4 «Дон» трассасына чыга торган юлда «Лада Калина» автомобиле сөт ташый торган машина астында кала.
Якынча белешмә буенча, фаҗига җиңел машина йөртүчесе аркасында килеп чыккан булуы ихтимал. «Лада Калина» йөртүчесе идарәсен югалта, машина каршы як полосага чыгып китә һәм сөт ташый торган машинага бәрелә.
«Лада» белән идарә итүче 24 яшьлек егет, салондагы өч пассажир урында ук үлә.
Фаҗига сәбәпләрен хокук саклаучылар ачыклый, диелә хәбәрдә.