Сөмбел Билалованың «Ялгыз түгел» клибы

Баш очымнан очып үтте кыр казы

Кайда калганнары, ул ник ялгызы?

Әнә бит дәшәләр: «Кушыл төркемгә,

Кирәкми, кирәкми, калма бу көнгә…»

Кушымта:

Мин ялгыз да түгел, парлы да түгел,

Үз-үзенә урын тапмый моңлана күңел.

Җырлыймын да бүген елыйм да бүген,

Карлы яңгыр каплагандай күңелнең күген.

Ник, мәхәббәт, нигә сыныйсың мине?

Кайда соң, кайда җаныма тиңе?

Офыкларга кадәр китте уйларым

Җанда моң булганда туа җырларым.

 Кушымта шул ук.

Кеше язмышлары киек казларда,

Әйләнеп килерсез матур язларда,

Тик талмасын гына очар канатлар.

Шул сүзләрне җилләр кабатлар