Сөмбел Билалова күңелне айкарлык «Кеше кирәк» җырын тәкъдим итә
Яңа җыр инстачыларның күңеленә хуш килгән.
Сөмбел Билалова үз хисләре турында күңелләрне айкарлык җырын тәкъдим итте. Яңа җыр «Кеше кирәк» дип атала.
«Бу минем өчен гади җыр түгел. Мин үземнең хисләрем, эмоцияләрем турында сирәк җырлыйм. Җыр авторлары — Айгөл Вәлиуллина һәм Риваль Хисмәтуллин миңа бу җырны күрсәткәч, аның минем турында икәнлеген аңладым. Минем бу турыда хәзер сезгә әйтәсем килә…
Күңелемне бушатырдай,
Авыр чакта юатырдай,
Татлы хисләр уятырдай
Кеше кирәк.
Уйларымны укый торган,
Ни әйтәсем алдан тойган.
Сагышымны кире борган
Кеше кирәк.
Тормышымны үзгәртерлек,
Ялгышларны төзәтерлек,
Бәхетемне тизләтерлек
Кеше кирәк.
Дусларым, бу җырымны яратып кабул итәрсез дип өметләнәм! Минем хисләрем сезнең өчен…» — дип тәкъдим иткән ул яңа җырын.
Җыр инстачыларның күңеленә үтеп кергән. Алар бу хакта комментарийлар калдырган.
