Сөмбел Билалова белән Марат Мухин “Үзгәреш җиле” концерты вакытында үбешеп утырганмы?
Халыкта, әйтик, кино карарга дип соңгы рәтләрне сайласаң, үбешеп утырачаксың дигән сүз йөри.
Узган атнада үткән “Үзгәреш җиле”фестивален карарга җырчы Сөмбел Билалова белән композитор Марат Мухин да килгән иде. Урыннары соңгы рәттә булган. Мәдәният чарасы барганда, кочаклашып-үбешеп утыру гадәти булмаган күренеш булганга, бу очракны тамашачыларның берсе телефонына төшергән. Исемен әйтергә теләмәгән тамашачы әйтүенчә, бу пар үбешеп тә утырган, әмма ул мизгел фотога эләкмәгән.
Сөмбел фотода Марат һәм үзе булуын раслады, кочаклашуларын да кире какмады, әмма үбешеп утыруларын кире какты. “Без бары тик дуслар гына”, - дип өстәп тә куйды.
