Рязань өлкәсендә Яңа ел фейерверкы подполковникның башын өзгән
Салют ир-атның чигәсенә һәм теш казнасына тигән.
Яңа елны каршылап, 10 минут узгач, Мәскәүдән 37 яшьлек полиция подполковнигы Рязань өлкәсендә фейерверк җибәргәндә һәлак булган.
«Зебра-медиа» агентлыгы хәбәр итүенчә, ир-ат фейерверкны Федоровское авылындагы шәхси йорт ишегалдында үзе урнаштырган. Тик очып киткәндә салют өскә түгел, ә туп-туры ир кешенең башына таба юнәлгән. Фейерверк вакытыннан алда шартлаган, ир-атның теш казнасына һәм чигәсенә тигән. Полиция хезмәткәренең башы өзелгән, алган җәрәхәтләрдән ул шунда ук һәлак булган.
ТАСС хәбәр итүенчә, фейерверк атылганда һәлак булган ир-ат Мәскәүнең Көнчыгыш административ округы буенча Эчке эшләр идарәсенең Икътисади куркынычсызлык һәм коррупциягә каршы көрәш бүлеге хезмәткәре булган. Ул полициядә 2003 елдан бирле эшләгән.
Әлеге факт буенча җинаять эше кузгатылган.