Рязань өлкәсендә хәрби арсеналда снарядлар шартлый, ун авыл халкын эвакуациялиләр
Биредә 5-10 секунд саен снаряд шартлап тора, дип сөйли экстрен хезмәтләр вәкиле.
Рязань өлкәсендә хәрби арсеналда припаслар шартлый башлаган. Биредәге ун авылдан халыкны эвакуациялиләр. Бу турыда РИА Новости агентлыгы Россия Гадәттән тыш хәлләр министрлыгына сылтама белән хәбәр итте.
«Якын-тирәдә 5 км радиустагы мәйданда урнашкан уннан артык авылда яшәүчеләрне эвакуацияләү бара», — дип сөйләгән агентлык чыганагы.
Бирегә янгын сүндерү поезды, Ил-76 самолет-танкер килә.
«Шартлау 5-10 секунд саен булып тора. Яна торган чирәмнән ут артиллерия припаслары саклана торган мәйданга күчкән», — дип сөйләгән агентлыкның экстрен хезмәтләрдәге үз чыганагы.
«Каспий» федераль трассасында хәрәктне туктатып торганнар, диелә хәбәрдә.