Рязань өлкәсендә автобус бәрелеп 5 кеше үлгән
Мәскәү — Әстерхан рейсы автобусында 56 кеше булган.
Рязань өлкәсендә автобус катнашындагы юл һәлакәтендә 5 кеше үлгән, 22 кеше зыян күргән.
Хастаханәгә салынучылар саны уникегә җиткән, реанимациядә булган өч кешене Рязаньга санавиация вертолеты белән китерәчәкләр. Хастаханәгә салынучылар арасында 2007 һәм 2011 елларда туган балалар да бар. Икесе дә канәгатьләнерлек хәлдә, дип яза РИА Новости
Мәскәү — Әстерхан юнәлешендә хәрәкәт итә торган автобусы пассажирлар белән бүген 05.45 сәгатьтә Рязань өлкәсендәге тимер юл күперенең терәгенә бәрелгән. Беренчел мәгълүматларга караганда, биш кеше, шул исәптән машина йөртүче, үлгән, 22 кеше зыян күргән.
Саксызлык аркасында ике һәм аннан күбрәк кешенең үлеменә китергән юл хәрәкәте кагыйдәләрен бозу турында җинаять эше кузгатылган.
Зыян күрмәгән кешеләрне икенче автобус Әстерханга китерәчәк. Хәзерге вакытта 19 кеше вакытлыча урнаштыру пунктында тора, аларга кайнар ризык бирелгән. Автобуста барлыгы 56 кеше булган.
«Правда-ТВ» әлеге автобуста зыян күргән кешеләрнең исемлеген урнаштырган:
Муксимова З.,
Тамарян Р.,
Кочсников И.,
Кулакова М.,
Шаманова С.,
Шаманов Б.,
Шаманова А.,
Яровая Т.,
Кусманов Ш.,
Маркелова А.,
Комыхайло А.,
Тарануха А.,
Анмачева Н.
Башкаларның шәхесе ачыклана.