Рузилә Хәертдинова: «Әти-әнием ирем белән аерылышуны авыр кабул иттеләр»
Җырчы Рузилә Хәертдинова тамашачыларының сорауларына җавап биргән. Күпләр аның нишләп кияүдә булмавы хакында кызыксынган. Ә кайберләренең җырчыга һәрвакыт матур чәчәк бәйләмнәре бирүче кешене беләсе килү теләге зур икән.
«Мин инде 1,5 ел кияүдә түгел, аерылган. Башка әти-әниләр кебек үк, минекеләр дә ирем белән аерылышуны авыр кабул иттеләр. Безнең тормышка карашларыбыз төрле. Минем әти-әниләрем бик кырыс.Тик, күпмедер вакыт узгач, алар мине аңлады һәм әлеге хәлне кабул иттеләр», – дип яза җырчы социаль челтәрендә.