«Акчарлак» газетасының шеф-мөхәррире, автор башкаручы, продюсер Рузилә Сафина Җиңү көнендә үзенең кайнатасы турында яза. Быел Бөек Ватан сугышы ветераны Габдрахман ага үзенең 100 яшен тутырды, олы улы Габделбәр һәм килене Гүзәл тәрбиясендә кадер-хөрмәттә яши.
«Җиңү көне белән барыгызны да тәбрик итәм!
Әтинең истәлекләрен тыңлыйбыз. Ул үзенең тормышын, үткәнен әзләп кенә ишеттерде безгә. Беркайчан да ашыгып, нәфес белән, дан, мал өчен яшәмәде. Бу фото 100 яшьлек юбилей мәшәкатьләреннән соң. Әтинең канәгатьлелеген түбәтәй киюеннән беләм мин... Габдрахман Сафинны 34 ел беләм...
Өй юганда бер айлык пенсия акчасын якканда да: "Ярар, борчылма, киләсе айда тагын бирәләр аны", - диде. Колхоз әтигә эшкә йөрергә мотоцикл биргәч тә алмаган кеше ул. Ат белән йөрүне кулай күргән!
Сугыштан исән-сау кайтып, күп газаплар күрсә дә, беркемгә ачу сакламый яшәүче солдат ул», – дип яза Рузилә Сафина кайнатасы турында.
«Габдрахман абый турында тапшыру карадык. Бик кызганыч. Исән-сау булсын әтиегез. Безнең әтинең язмышына ошаган язмышы. Елап-елап карадык. Безнең әтиебез дә әсирдә булган, шулай ук исән-сау әйләнеп кайтты»;
«Габдрахман абый кебек каһарманнар бик аз калды. Хөрмәтем зур, әтиегезне Җиңү көне белән»;
«Нинди зур сөөенеч әтиегез белән сайрашып утыру. Аллаһы Тәгалә озын гомерләрен бирсен әле», – дип яза Руилә Сафинаның ВКонтакте челтәрендәге дуслары.
- Габделфәт Сафинның әтисе Габдрахманга 100 яшь: «Сугыштан соң егерме елга хөкем иттеләр»
- Рузилә Сафина: «Татарда хатынның иреннән алда сикерүе матур күренеш түгел»
Фото: © https://vk.com/id448070251