«Русское радио»ның баш редакторы вафат

2016 елдан башлап «Русское радио»ның баш редакторы булып эшләгән медиаменеджер Юлия Ларионова вафат булган. Бу турыда продюсер Иосиф Пригожин инстаграмда хәбәр итә.

«Нигә Аллаһы Тәгалә бездән яхшы кешеләрне алып китә икән? Юлия Ларионова бик мәрхәмәтле кеше, чын профессионал иде. Туганнарының кайгысын уртаклашам», — дип яза ул.

Эммануил Виторган, Ирина Дубцова, Леся Ярославская, Лолита Милявская, Анита Цой, Яна Рудковская һәм башкалар кайгы уртаклаша. 

Посмотреть эту публикацию в Instagram

За что Всевышний забирает от нас хороших людей? Юля Ларионова была добрейшим человеком, профессионалом своего дела. Юля долгие годы преданно служила своему делу, проработав многие годы на Русском радио. @russkoe_radio Светлая память и искренние соболезнования родным и близким. ??????

Публикация от iosif prigozhin (@prigozhin_iosif) 24 Апр 2020 в 4:59 PDT

Башта мәрхүмәнең үлеме сәбәпләре һәм җирләү турында белешмә булмаган иде. Соңрак мәрхүмәнең үлеменең сәбәпләре дә билгеле булды. Юлия Ларионова яман шеш белән авырган. Бу турыда РИА Новости агентлыгына «Русская медиагруппа» генераль директоры Роман Саркисов әйткән.

«Юля бик каты авырды, инде шактый күптән. шуңа күрә бу көтелмәгән хәл дә булмагандыр инде. Безнең өчен, әлбәттә, бу коточкыч югалту», — дигән Саркисов һәм кайгы уртаклашкан.