Җырчы Руслан Кираметдинов үзенең сәхифәсендә кайгылы хәбәр белән бүлешә. Аның Әгерҗедә яшәүче Марс исемле дусты юл фаҗигасендә һәлак булган. «Урының оҗмахта булсын, дустым. Без сине онытмабыз», – дип язды ул челтәрләрдә, аның белән бергә төшкән фото-видеолар урнаштырып.
Руслан Кираметдиновның концерт директоры ачыклык кертүенчә, аларның дусты машинада улы белән булган. Кызганычка, коточкыч юл һәлакәте баласының да гомерен алып киткән.
«Зур кайгы. Дустыбыз Марс Мөбарәк улы Гатауллинны югалттык. Марсның һәм аның улы Данирның урыннары оҗмахта булсын. Гаиләсенә түземлек бирсен Ходаем», – дип язды Айдар.
