Кичә Чаллыда җырчы Руслан Кираметдиновның өстәмә концерты гөрләде. Тик тамаша башланып озак та үтмәгән, көтелмәгән хәл килеп чыккан – залда ут сүнгән, һәм бар аппаратура эшләүдән туктаган.
Тамашачысы, нәрсә булды, дип аптыраса да, Руслан үзе бу ситуациядә югалып калмаган – җырлавын микрофонсыз һәм музыкасыз гына дәвам иткән. Бераздан аңа баянчысы кушылган. Әлеге видеолар социаль челтәрләрдә таралды.
«Форс-мажор. Ут сүнде бит! Әмма, Руслан молодец! Микрофонсыз да бик шәп җырлый»;
«Ут сүнде, ләкин концерт туктамады. Ул, бернигә карамыйча, барысын да җиңеп чыкты», – дип мактаган халык җырчыны.