Руслан Кираметдиновның бер чыгышыннан соң, тугры тамашачысы сәхнәгә чәчәк бәйләме күтәреп менгән. Чибәр кыз Русланга чәчәк бүләк итеп кенә калмаган, колагына нидер пышылдап, битеннән дә үбеп алган.
Җырчы бераз оялып кала, ә кабат: «Хәзер үптерсәм дә була инде», – ди. Видеоны «Татарлар дөньясы» телеграм-каналы куйган.
Видеоны караучылар Ильмира Нәгыймова белән аерылышкан Русланга тизрәк үз парын табуын тели, моңлы тавышына соклана.
«Руслан, көннән-көн остара барасың», «Искиткеч моң, Руслан. Үзең карап туймаслык, су сөлегедәй егет! Бәхетең алда әле», «Тизрәк үз бәхетене табарга насыйп булсын, Руслан», – дигән фикерләр калдыралар.