Руслан Кираметдинов Буа һәм Кама Тамагындагы концертларын күчерергә мәҗбүр булган. Сәбәбе – җырчы авырый, өендә дәвалану курсы уза. Бу хакта ул «Интертат»ка үзе әйтте.
«Гел-гел концертларда йөреп, тавыш бетте. Казан концерты вакытында да сизелә иде инде. Ул көнне фониатрлар килеп, адреналин кададылар. Әле һаман да тернәкләнеп бетеп булмый.
Антибиотиклар белән дәваланам. Халык медицинасынннан бал белән сөт эчәм.
Азрак хәл керсә, ничек тә ноябрьнең калган концертларын эшләп бетерергә иде», – диде безгә Руслан Кираметдинов.
