Руслан Кираметдинов «Әле мин сагынам сине» җырын җырлый башлавының сәбәбен әйткән

Руслан Кираметдинов «Сер итеп кенә» тапшыруы алып баручысы Роза Хәйруллинага «Әле мин сагынам сине» җырының тарихын һәм аны ни өчен җырлый башлавын сөйләгән. 

Руслан сөйләгәнчә, әлеге җыр аның репертуарында инде әллә кайчан булган. «Зөфәр абый Хәйретдинов миңа бу җырны үзенең юбилей концертларында җырлар өчен биргән иде. Шул вакыт пандемия башланып китте, концертлар күчерелде. Әлеге җырны мин эшләтеп куйган идем инде, әмма ул үз вакытын көтеп ята бирде. 

Гаиләмдә шундый ситуация килеп чыккач, бу җыр бик урынлы булыр дип, аны халыкка тәкъдим иттем. Халык аны яратты. Чөнки ул 1996-1997 елларда популяр булган җыр, халыкка элекке чакларын искә төшерә», – дип аңлаткан җырчы.

Руслан Кираметдинов белән хатыны Ильмира Нәгыймованың аралары моннан бер ел элек өзелде.