Тукай районының Шилнәбаш авылында Украинадагы махсус хәрби операциядә һәлак булган кече сержант Раушан Мугиновны соңгы юлга озатканнар. Бу хакта Тукай районы башлыгы Фаил Камаев «ВКонтакте» социаль челтәрендәге аккаунтында хәбәр иткән.
«Бүген Шилнәбаш авылында махсус хәрби операция зонасында хәрби бурычларны үтәү барышында һәлак булган кече сержант Раушан Мугинов белән хушлаштык. Район Советы, Башкарма комитет исеменнән туганнарының һәм якыннарының тирән кайгысын уртаклашам. Урыны җәннәттә булсын!» – дип язган ул.
«Әйтмә дә инде, күпме яшьләр китә арадан, аларга әле яшисе дә яшисе иде, якыннарына сабырлык һәм түземлек бирсен Ходаем, урыннары оҗмахта булсын берүк яшь җаннарның, үзәкләр өзелә»;
«Күпме яшь җаннарның гомерләре өзелә, балалары ятим, хатыннары тол кала. Әти-әнисенең йөрәге телгәләнә. Урының оҗмахта булсын, балакай. Калганнарга сабырлыклар бир, Ходаем»;
«Милләтебезнең асыл, яшь ир-егетләрен кырып бетерәләр инде. Урыны җәннәттә булсын балакайның»;
«Рушанның урыны җәннәт түрләрендә булсын, калганнарга Аллаһ күркәм сабырлыклар бирсен инде»;
«Авыр туфрагы җиңел булсын. Йөрәк әрни. Йөрәк елый!» – дип комментарийлар язганнар.
