Рус кызы Элвин Грей җырлары аша татар телен өйрәнгән - видео
Рус кызы Элвин Грей җырлары аша татар телен өйрәнгән - видео
Элвин Грейның гитарачысы Илнар Фатыйхов инстаграмына концерттан бер өзек урнаштырган. Видеодан күренгәнчә, Элвин Грейның Лениногорск шәһәрендәге концертында сәхнәгә бер кыз чыккан һәм Элвинга мөрәҗәгать иткән.
"Мин рус кызы, шуңа да, Радикны тыңлый башлаганда, татарча сөйләшә белми идем. Әмма Радикның җырлары ярдәмендә мин татарча сөйләшә башладым һәм татарча җырлый да алам. Минем синең белән сәхнәдә җырлау хыялы бар. Ярыймы?" - дип сорый кыз. "Әлбәттә!" дип җавап бирә аңа Радик.