Машинада рульдә барган килеш кулга телефон тотып смс яки аудиохәбәр җибәреп утырган өчен йөртүчеләргә штраф салалар. Ул 1,5 мең сум була. Бу турыда Мәскәү Дәүләт автоинспекциясенә сылтама белән РЕН ТВ яза.
«Кулга телефон тотып, смс язсагыз яки аудиохәбәр яздырсагыз, бу да кагыйдә бозу булып санала. Чөнки бу машина йөртүченең транспорт чарасы белән идарә итүдән игътибарын ала, аның үзе һәм әйләнә-тирәдәгеләр өчен курыкынч тудыра», диелә хәбәрдә.
Ведомствода белдергәнчә, теләсә-нинди фактик белешмәләр исбатлау була, шулар нигезендә кагыйдә бозу булу-булмавын билгелиләр.
ЮХИДИ белешмәсе буенча, инпсекторлар исбатлау базасы итеп фотовидеофиксация комплексыннан алынган сурәтләр сериясен кулланырга хокуклы.
Карар белән килешмәгән очракта, автомобильче хөкем карарын шикаять итә ала.