Руль артында йоклап киткән – йөк машинасы белән авариядә 27 яшьлек йөртүче үлгән
Татарстанның Алабуга районында 27 яшьлек машина йөртүче «Лада» автомобиле руле артында йоклап киткән, каршы як полосага чыккан һәм «Scania» йөк машинасы белән бәрелешкән. Бу хакта «Татар-информ» хәбәр итә.
Юл-транспорт һәлакәте нәтиҗәсендә «Лада» йөртүчесе урында ук һәлак булган.
Хәзер әлеге юл һәлакәтенең нечкәлекләре ачыклана.
