«Рубин» тренеры Леонид Слуцкийны гел талашып йөри дип тәнкыйтьлиләр
Тренерның шундый тәртибе клубка начар йогынты ясый, дип саный агент Сафонов.
Танылган футбол агенты Алексей Сафонов Казанның «Рубин» клубы тренеры Леонид Слуцкий гел талашып йөри дип саный. Бу турыда ул «Татар-информ»га интервьюда сөйләгән.
Сафонов Слуцкийның РПЛ футбол арбитрлары белән конфликты турында фикерен әйткән.
«Рубин» клубында Слуцкийны баш тренер вазифасыннан азат итәргә җыенмауларын белдерделәр инде. Шулай да минемчә, Слуцкийның судьялар белән гел талашып йөрүе «Рубин» клубына тискәре йогынты ясый. ЦСКА белән матчта бөтен бәхәсле моментлар ЦСКА файдасына хәл ителде бит.
«Рубин» начар уйный диләр, ләкин җитди акчаларга сатып алырдай аерым уенчылар бар. Мәсәлән, Самошниковны яки Кварацхелияне ул «Рубин»нан киткәнче. Кызганыч, Дрейер Казаннан китте, ул яхшы иде. Сезон азагына кадәр Слуцкийга ниләр буласын хәл итеп бетерергә кирәк. Мзхәббәттән нәфрәткә бер адым бит», — ди Сафонов.