Фото: Роза Әдиятуллинаның социаль челтәрдәге сәхифәсеннән
ТНВ телеканалында «Татарлар» тапшыруын алып баручы, журналист Роза Әдиятуллина шушы көннәрдә сөенечле яңалыгы белән социаль челтәрдәге сәхифәсендә уртаклашкан.
«Зур шатлыгым белән бүлешәсем килә! Хәзер минем педагогик белемем дә бар! Минем яшьтә студент булу кызык икән», – дип хәбәр иткән Роза ханым яңалыгын һәм университет фонында кызыл диплом тотып төшкән фотосын куйган.
Виртуаль дуслары тарафыннан аңа бик күп котлау сүзләре, изге теләкләр килеп ирешкән.
Камиллекнең чиге юк, диләр. Без дә Розаны әлеге уңышы белән тәбриклибез. Бәрәкәтле булсын!
Фото: Роза Әдиятуллинаның социаль челтәрдәге сәхифәсеннән