Рөстәм Сәрвәров Бауман урамындагы җир асты юлындагы Альбертка гармунын яңартырга булышкан

Бауман урамындагы җир асты юлында 43 яшьлек Альберт Миңнуллинның гармунын яңартканнар. Бу хакта «ВКонтакте» сәхифәсендә продюсер Җәүдәт Гыйльманов хәбәр итә.

– Егетеләр, булдырдык бит! Молодец, Альберт! Уйна, татар халкын шатландыр! Рөстәм Сәрвәровка, Расихка рәхмәт. Гармунны ремонтлап бирделәр. Очрашуларга кадәр, ярыймы, сау бул, – ди Җәүдәт Гыйльманов.

– Рәхмәтемне Рөстәм абый Сәрвәровка һәм гармун төзәтүче Расихка белдермәкче булам. Чөнки алар миңа булыштылар, гармунны ясап бирделәр. Бик зур рәхмәт аларга, – ди Альберт Миңнуллин.

• Альберт Миңнуллин Бауман урамындагы җир асты юлының метрога кереп киткән урынында гармунда уйнап утыра, дип язган идек.