Башкортстан блогеры Рөстәм Нәбиев яңа фатир сатып алган. Гаилә бүгенге көндә күченү мәшәкатьләре белән йөри. Бу хакта блогерның тормыш иптәше Индира Нәбиева үзенең сәхифәсендә сөйли.
Әлеге хәбәрдән соң күпләр Рөстәм белән Индираны шәхси йортка күченә дип уйлаган. Индира исә йортның әле төзелеш этабында гына булуын, шуңа күрә әлегә мәйданы буенча зуррак яңа фатир сатып алуларын аңлаткан.
«Үзебезнең 4 ел яшәгән фатирыбызны сатуга куйдык. Бәлки, язылучыларыбызның берәрсе кызыксыныр», – дип язган ул.
Рөстәм Нәбиев фатирларына виртуаль эскурсия үткәргән. Блогерның Уфадагы заманча ремонтланган 3 бүлмәле фатиры 9 миллионга якын бәягә сатыла.
