Татарстан Рәисе Рөстәм Миңнеханов Telegram-каналында һәм «ВКонтакте» социаль челтәрендәге битендә Татарстан халкын Республика оешуга 105 ел тулу белән котлады.
«Республикабыз оешуга – 105 ел! Котлыйм, дуслар! Бәйрәм белән», – дип язды Рөстәм Миңнеханов.
Татарстан Рәисе шулай ук 1920 елда ТАССР төзелү турындагы декретка кул куюдан алып, 2024 елда Казанда узган БРИКС саммитына кадәр Татарстан тарихының кайбер мөһим вакыйгаларын искә төшерә торган видео урнаштырды.
