Курск өлкәсенең Глушково бистәсендә Россиядә иң тәбәнәк чыгарылыш сыйныф укучысы яши. Ул - Полина Скорик, аның буе нибары 80 см. Бу хакта социаль челтәрләрдә хәбәр ителә.
11 сыйныф укучысы «аноксетик дисплазия» дигән сирәк очрый торган чир белән авырый һәм бу Россиядә бердәнбер очрак.
Авыруына карамастан, Полина гади мәктәптә белем алган. Башлангыч сыйныфта аңа мәктәп букчасын күтәрергә әнисе ярдәм иткән, ә аннары сыйныфташлары күтәреп йөргән.
Полина иҗади шәхес, берничә ел элек аны «Доктор Рихтер» сериалында төшәргә чакырганнар. Шуннан соң ул актриса булырга хыяллана башлаган. Хәзер ул Югары уку йортларның берсендә менеджмент юнәлешендә белем алырга уйлый.
