Россиянең халык артисты Стахан Рәхимов вафат
Артистның хатыны - совет һәм Россия җырчысы Алла Йошпе 30 гыйнварда үлгән булган.
Россиянең халык артисты Стахан Рахимов 83 яшендә вафат булды. Бу турыда РИА Новости хәбәр итте.
Эстрада җырчысы Стахан Рәхимов үлүен Мәскәү концерты оешмасы вәкиле Валерий Корн раслаган. Әлегә үлем сәбәпләре хәбәр ителми.
Стахан Рәхимовның хатыны - совет һәм Россия җырчысы Алла Йошпе 30 гыйнварда үлгән булган.
Рәхимов 1937 елда Үзбәкстанда туган. Аның әнисе Ташкент музыка драмтеатры солисты булган. Рәхимов Мәскәүгә күченеп килгән һәм Мәскәү энергетика университетын тәмамлаган.
Алар Алла Йошпе белән 1960 елда танышкан. 1979 елда хатынын дәвалау өчен Рәхимов гаиләсе Израильгә китәргә теләгән, ләкин аларны илдән чыгармаганнар. Өстәвенә сәхнәдә чыгыш ясауны да тыйганнар.
Артистлар 1980 елда гына кабат сәхнәгә чыккан.
2020 елда Рәхимовка һәм Йошпега Россиянең халык артисты исеме бирелгән.