Россиянең халык артисты Иван Бортник вафат

Россиянең халык артисты, театр һәм кино актеры Иван Бортник вафат. Аңа 79 яшь иде. Иренең вафаты турында ТАСС мәгълүмат агентлыгына Татьяна Борзых хәбәр иткән.

"Иван кичә 23 сәгатьтә үлде, - дигән хатыны. - Табиблар тромб дип фаразлый".

Иван Бортник 1939 елда Мәскәүдә туа, ГИТИСта һәм Щукин исемендәге Театр училищесында белем ала. Гоголь театрында һәм Таганкадагы театрда уйный. 

Иван Бортник җырчы-бард Владимир Высоцкий белән бик дус була. Высоцкийның легендар "Письмо к другу" җыры нәкъ менә Иван Бортникка багышланган. Дуслар бергә "Место встречи изменить нельзя" фильмында да төшкәннәр.