Бүген, 7 апрельдә озак вакытка сузылган авырудан соң Россиянең халык артисткасы, Кече театр актрисасы Ольга Пашкова 56 яшендә вафат булган. Бу хакта РИА Новости яза.
«Кече театрда кайгы — Россиянең халык артисткасы Пашкова Ольга Леонидовна вафат булды. Театр коллективы тирән хәсрәттә. Актрисаның туганнарының, якыннарының авыр кайгысын уртаклашабыз», — дип яза театрның пресс-атташесы.
Ольга Пашкованы озату вакыты һәм урыны соңрак билгеле булачак. дип өстәде ул.
Ольга Пашкова 1966 елның 2 гыйнварында туган. 1987 елда Щепкин исемендәге Югары театр училищесының Юрий Соломин курсын тәмамлый һәм Кече театрга эшкә алына. Анда ул дистәләгән рольләр, аерым алганда «Мещанин во дворянстве», «Убийство Гонзаго», «Из воспоминаний идеалиста» һәм башка куелышларда уйный. 2006 елда аңа халык артисткасы исеме бирелә. Шулай ук ул «Оно, «Бесы», «Сказ про Федота-стрельца» фильмнарында төшкән.