Россиянең атказанган табибы Әмир Салихов вафат

Россиянең атказанган табибы, офтальмохирург, медицина фәннәре докторы, югары категорияле табиб Әмир Салихов 72 яшендә Мәскәүдә вафат булган. Бу турыда Татарстанның Россиядәге Тулы вәкаләтле вәкиллеге хәбәритте.

Әмир Салихов Вәкиллек каршындагы Табиблар клубының актив әгъзасы була. 

Әмир Салихов 40 еллык хезмәт юлында уйлап тапкан ысулларны башка табиблар да куллана. Аңа бөтен СССР территориясеннән генә түгел, бөтен дөньядан авырулар мөрәҗәгать иткән. 

Ул һәрвакыт алга омтылган, яңа белем тупларга тырышкан. Яңа технологияләр кулланып, күрсәтмә операцияләр ясаган, лекцияләр укыган һәм яшь белгечләрне өйрәткән. Мисыр, Бразилия, Мексикада да күрсәтмә операцияләр ясаган. Үзе Бразилия һәм Нью-Йоркта стажировка узган. 

Мәрхүмне 1 майда Мәскәүдә җирлиләр.