Күпләргә үзенең «МотоТаня» сәхифәсе аша таныш булган популяр хатын-кыз байкер Татьяна Озолина Төркиядә юл-транспорт фаҗигасенә эләгеп һәлак булган. Бу хакта социаль челтәрләрдә язалар.
Фото: © социаль челтәрләр
Байкер белән юл һәлакәте Милас-Сёке трассасында килеп чыга. Озолина тагын 2 мотоциклчы белән янәшә хәрәкәт итә. Ләкин берара транспорт чарасы белән идарәне югалта һәм йөк машинасы астына барып керә. Һәлакәт урынына «ашыгыч ярдәм» чакыралар. Ләкин кыз табиблар килеп җиткәнче үлә.
Фото: © социаль челтәрләр
Россиядә тыелган социаль челтәрдә Татьянаның — миллион, «Ютуб» каналында 2 миллионга якын язылучысы бар. Таня Россиядәге иң чибәр һәм популяр байкершаларның берсе булып санала иде.
38 яшьлек Татьянаның кечкенә улы ятим калган.
