Россиядә шашлыклар сезоны әле ачылмады, ә беренче корбаннар инде бар
SHOT телеграм-каналы мәгълүматлары буенча, Петербургта өч дус Всеволожск районындагы «Танковый» карьерына ит кыздырырга баралар. Анда аларның икесе сулыктагы бозның никадәр калын булуын тикшерергә була һәм боз астына китә. Аларның берсенең гәүдәсен — 22 яшьлек Иванны – берничә сәгатьтән табалар. Аннан коткаручылар 22 яшьлек Никитаны эзли. Билгеле булганча, егет халыкара агентлыкта модель булып эшләгән.
Тагын бер вакыйга Таганрогта булган, анда 49 яшьлек ир-ат балконда шашлык кыздырган күршеләре аркасында һәлак булган. Нәтиҗәдә күпкатлы йортта янгын чыккан. Ир-ат төтен белән тончыгып үлгән.