Россиядә пилотсыз системалар гаскәрләре барлыкка килде. Бу турыда шушы гаскәрләр җитәкчесе урынбасары Сергей Иштуганов сөйләгән, дип яза РИА Новости.
«Штатлы полклар һәм башка подразделениеләр формалаштырылды», – дип сөйләгән Иштуганов «Комсомольская правда» газетасына интервьюда.
Аның сүзләренчә, пилотсыз системалар гаскәрләре өчен оештыру-штат структурасы һәм җитәкче билгеләнгән, бөтен ил буенча хәрби идарә органнары оештырылган.
Сергей Иштуганов 2022 елда Россия Герое исеменә лаек булды.
