Бу көннәрдә Кемерово өлкәсендә, Алтай краенда һәм Себернең башка төбәкләрендә көчле давыл котыра. Җилнең тизлеге секундына 35 метрга кадәр җитә.
Бүген давыл вакытында 3 кеше һәлак булган. Кемерово өлкәсенең Новокузнецк шәһәрендә юлда бара торган машина өстенә агач ауган. Транспортта 4 кеше була, аларның 2се үлгән. Бу кешеләрнең якыннарын күмәргә дип барулары булган.
SHOT Телеграм-каналы язуынча, тагын бер хатын-кыз Алтай краеның Центральный поселогында һәлак булган. Ул җил кубарып алган түбәне тотып калырга тырышкан.
Икенче бер хатын-кыз өстенә бик озын реклама калае төшкән. Телеграмда язуларынча ул хатын исән, әмма бик нык имгәнгән.
Тагын бер видеода хуҗабикә кирпечтән ясалган веранданың чәчелүен, түбәдәге антеннаның түбә астына килеп керүе турында сөйли.