Барлык язмалар news_header_top_970_100
news_header_bot_970_100
Язманы тыңлагыз

Россиядә хәмер сату кимегән

news_top_970_100
Россиядә хәмер сату кимегән
Фото: Владимир Васильев / "Татар-информ" архивы

2024 елның гыйнвар-февраль нәтиҗәләре белән чагыштырганда, 2025 елның беренче 2 ае йомгаклары буенча, Россиядә аракы сату 5,1 процентка – 11,492 миллион декалитрга кадәр төшкән. Бу хакта Росалкогольтабакконтроль мәгълүматларына сылтама белән «РИА Новости» хәбәр итә.

Ликер-аракы эшләнмәләре 14,8 процентка күбрәк (2,825 миллион декалитр), ә коньяк 10,7 процентка азрак (2,111 миллион декалитр) сатылган. Тулаем алганда, куәтле алкоголь сату 2,2 процентка – 18,716 миллион декалитрга кадәр төшкән.

Шулай ук «игристый» шәраб сату да кимегән (минус 1,4 процент – 3,4 миллион декалитр), ә виноградтан ясалган шәраб сату арткан (1,6 процент – 8,566 миллион декалитрга кадәр). Сыра, сыра эчемлекләре, сидр, пуаре һәм әче балны исәпкә алмаганда, исерткеч эчемлекләрне гомуми сату гыйнвар-февраль айларында 12,2 процентка – 32,052 миллион декалитрга кадәр төшкән.

2025 елның беренче 2 аенда Россиядә аракы җитештерү 26,3 процентка – 7,6 миллион декалитрга кадәр төшкән. Шул ук вакытта гыйнварны аерым алганда, аракы җитештерү өчтән бер өлешкә диярлек кимегән.

Комментарийлар (0)
Калган символлар:
news_right_column_1_240_400
news_right_column_2_240_400
news_right_column_3_240_400
news_bot_970_100