Россиядә кайсы һөнәр ияләре бик кирәкле?
Бик кирәкле белгечләргә югары хезмәт хакы да тәкъдим ителә.
Бүгенге көндә Россиядә сәламәтлек саклау, информацион технологияләр, спорт һәм фән өлкәләрендә белгечләр кирәк. Бу хакта РИА Новости хәбәр итә.
Россия хезмәт базарын өйрәнгәч, бакалавр дипломы булган эш эзләүчеләрнең күбесе IT өлкәсенә таләп ителүе ачыкланган. Андый белгечләргә югары хезмәт хакы да тәкъдим ителә: ил буенча аена уртача 54 мең сум. Икенче урында – финансистлар һәм икътисадчылар. Эретеп ябыштыручылар – өченче. Эретеп ябыштыру буенча заманча җиһазларда эшли белүчеләр аена уртача 44 мең сум хезмәт хакы ала.
Икътисад өлкәсендә иң кирәкле һөнәр ияләре – хисапчылар.
Хөрмәтле укучыларыбыз! Әгәр сезнең белгечләргә, артистларга, журналистларга сорауларыгыз булса, безнең Ватсапка языгыз: +79270379110 Без тиз арада сезнең сорауга җавап табарга тырышырбыз. Теләсә кайсы темага сораулар кабул итәбез.