Россиядә кайсы фән укытучыларын күбрәк яраталар? - исемлек
Рунет кулланучылары арасында мәктәп укытучылары турында сораштыру уздырганнар.
«Одноклассники» социаль челтәре Россиядә халык ярата торган укытучылар исемлеген төзегән. Бу турыда челтәрнең матбугат хезмәтенә сылтама белән РЕН ТВ хәбәр итте.
Сораштыруда катнашучыларның 59 проценты укып бетергәннән соң элеккеге укытучылары белән элемтәдә тормый. Укытучылары белән аралашучыларының 48 проценты һичьюгы бер тапкыр булса да Укытучылар көненә чәчәк илтеп биргән.
Сораштыруда катнашучыларның яраткан укытучылары исемлеге:
- рус теле һәм әдәбияты укытучысы (41 процент)
- математика (33 процент);
- тарих (32 процент);
- башлангыч сыйныф укытучысы (25 процент);
- физкультура (19 процент).
Сораштыруда катнашучыларның яратмаган укытучылары исемлеге:
- химия укытучысы (32 процент);
- физика (27 процент);
- математика (26 процент);
- чит телләр (24 процент);
- физкультура (17 процент).
Хатын-кызлар рус теле һәм әдәбияты, ә ир-атлар тарих, физкультура һәм физика укытучыларын күбрәк ярата, диелә бу хәбәрдә.