Россиядә икенче миллиардер хатын-кыз исеме билгеле

Моңа кадәр Россиядә бердәнбер хатын-кыз миллиардер - Елена Батурина бар иде. Ул Россия эшмәкәре, филантроп һәм меценат буларак билгеле. Быел исә тагын бер хатын-кыз миллиардер барлыкка килде. Ул — Wildberries интернет-кибете хуҗасы Татьяна Бакальчук. Бу турыда Forbes басмасына сылтама белән «Российская газета» язды. 

2019 елның гыйнварында Россия халкының реаль кереме 1,3 процентка кимегән. Ә Wildberries интернет-кибетенең табышы 1,2 миллиард долларга җиткән, диелгән әлеге хәбәрдә.

Бер ел элек Бакальчук Россиянең иң бай кешеләре исемлегенә кергән. Аның байлыгы 600 миллион доллар булган. 

Инглиз теле укытучысы Татьяна Бакальчук 2004 елда ире белән бергәләп үз бизнесын оештырган.