Россиядә иң көчле кеше коронавирустан үлгән
Бер көн алдан гына 61 яшьлек Владимир Синеглазовның апасы да коронавирустан вафат булган.
1 октябрьдә 61 яшьлек Владимир Синеглазов вафат булган. 2009 елда ул Россиянең иң көчле кешесе титулын яулаган. Владимир «яңа коронавирус инфекциясе» диагнозы белән хастаханәдә ята. Соңгы көннәрен ул реанимациядә комада үткәрә. Спортчы комадан чыкмыйча үлеп китә. Бу турыда РЕН ТВ хәбәр итте.
Бер көн алдан гына аның апасы да коронавирустан үлгән.
Владимир Синеглазов 26 тапкыр дөнья рекорды куя, шуның өчен Россиянең иң көчле кешесе титулын ала.
Европада аны Шпагат короле дип атыйлар. Ул ике урындыкка таянып шпагатка утыра, шул ук вакытта өстенә башка авыр спортчыны утыртып тора.
Спорт карьерасы 30 ел — егермедән илле яшькә кадәр була. Спорт снарядларын аның өчен махсус ясыйлар. Бу — 90 кило чамасы герләр, диелә хәбәрдә.
